Broj
Godina
© K_com Dtg Ltd 2005.
Broj |
31 |
Godina |
4 |
| Lipanj, 2002. | |
© K_com Dtg Ltd 2005. |
|
| |
|
 |
|---|
Put u povijest |
|||
|---|---|---|---|
 |
piše: | |
| Nikola Maković | ||
Put u povijest |
||
Odumiranje plemenitih i neplemenitih (II) |
||
| Vuz majerovu je bil gruntek dovice kaj su je govorili Barlek. Sirota i mučenica, živela je v male ižice s tri sine. Sad su već si pokojni. Najstariji je bil Štević a reklo mu se Papek. Kovačiju je zvučil pri Janku Potoriću. Drugi je bil Ivić, zidar, kaj su mu govorili Repa i najmlajši Jurić, maler, po špotu Lulek. Na Barlekovu ižicu se skoro naslanjala isto tak sirotinjska ižica Jože kolarovoga, po špotu serakovoga. Mame su negve govorili serica. Zakaj? Joža je z ženum Barićem kaj je isto bila od pileka, imal četiri dece. Števića, Ivića, Jurića kaj je kovačiju zvučil pri Janku Potorićevomu i Bareka. Štević i žena Katica, od Kralja je bila z Mičevca, su pomrli. Na tem gruntu sad žive Števićev sin Miro, Ivić i Jurić z ženami. Jurićeva žena Draga je z Grdešćaka. Ona i Jurić imaju čer Ljiljanu kaj žive negde na Gorice kak i sestra Barek. Nijova suseda je bila dovica Novosel, rodom od Pažula, Vincina sestra, a živela je z četiri sine, i nukum. | ||
 |
 |
Neznam kak, ali v to vreme saki čovek je imal nekakov špot. Ovem dečkom su govorili: Štević (?) , Mirku su govorili Imbus, Iviću Jokek, Juriću Kavek, čeri tera se udala k Pinturiću v Rašće Maka. Nuke je bilo ime Štefica. Ona je otišla v zamuš k Ivice kebatovomu, sinu pokojnoga Tončice šnajderovoga. Grunt dojne je Jurića lesičinoga ki je imal lepu ženu Baru s plavemi oči, z Odre rodom. Nijova čer Štefica je zela pokojnoga Stanka Korilofčanovoga. Stanko i Štefica su živeli na Goljaku v Zagrebu, a kad je Stanko mrl neznam jeli ima još koga na tem gruntu. Z druge strane Jokeka je živel Martin Črnjak z sinom Jurčekom, dovec, navek zamotan v nekakvu kobanicu. Martin je imal i dve čeri, Jelku i Marića, udate v Relić. Makar je bil seljak, bil je pristojen i nigdar ni prešel vuz čoveka da nebi pozdravil. Tak je bilo, a pitam vas kakov je sad svet? Martin je semi govoril kume. Sin Jurček se oženil prvi put od Pučka, i odovel. |
| Posle Jurčekove smrti na gruntu žive negva druga žena s terom ima sina. Jurčekov grunt i sirotinsku drvenu ižicu vu ke je živela dovica Barek Črjnakova z jedincom sinom Pepekom, delila je vuličkica. Bareku i Pepeku se govorilo Dušekovi. Ober ne, na kraju vuličke živel je Peter Kunić, Jure gibajnakovoga brat. Od Čačkovića je bil ožejnen. Kunići su imali čer Lubicu, ku ja baš nis poznal. Udala se v Buzin. Te je lude mi se čini, za gruntek doranih Štević Novosel i žena mu Kata z Mičevca. Štević je imal još dva brata, Jurića ili Juristu, Miška ili Pajutu i sestru Dragu, kaj su ju zvali lajička. |