Prva sećajna na Drageca su mi onak, ko v megle, ze staroga igrališća de je sad Diskont. Ja sem pobožno gledel majstorije ke je Dragec izvajal skup s pokojnemi: Majekom, Kunićom, Števekom Markovem, a i Mikijem Stepanićom, Jurajom Glagolićem st. i Števićom zbrega ki su živi i drugemi. Dragec je bil fleten i spreten igrač i ko takov saki je žnem rad igral. V igre i v poslu, to pak znaju oni ki su zalazili v Grafički zavod Hrvatske de je ostavil najvredniji del života, bil je gospodin. Ne samo zato kaj je rad nosil kravatu, nek po lepom ponašajnu i dostojanstvenom držajnu. Nogometašof skemi je igral je malo žive i oni buju ojnem rekli na drugomu mestu; ovo je pisajne o drugom, duhovnom Dragecu.
Na visoki položaj v GZH došel je po znajnu i kvalitete, a ne prek komunističke partije ili rodijaštva. Vuz okupiranost na državnom poslu ili z nogometom, redovit je bil na semi posli v cirkve i oko cirkve Svete Barbare. Vuz g. Marka Grgića, g. Josipa Makovića, g. Luku Kuševića – Dragec je bil stalni radnik pri kopajnu, cimentirajnu i preslagivajnu farofa i kućice iza farofa. A redoven je bil i saku Nedelu na vuri družejna teroga smu imali posle meše z prečasnim Loinum v komarice, teri je znal potrajati i do tri popoldan. Tuliko, jerbo budu i drugi nekaj o Dragecu povedali. Ja bi još samo rekel da je celi život zadržal temelnu vezu z Bogom djelotvorno vršeći Isusov nauk teri su mu usadili iskreno pobožni roditelji, pl. Imbro i Dorica pl. Krilčić.

Na slici: Dragec Krilčić (prvi slijeva)
u društvu vlč. Antuna Sentea i gosp. Miljenka Marčelje