Broj
 36
Godina
 4
Studeni, 2002.
 
 
Naslovnica
Sadržaj
Uvodnik
Statistika
Obavijesti
 
Aktualnosti
Barka

Impressum

glavna

 
© K_com Dtg Ltd 2005.
 
Put u povijest
Došašće
Sveta ispovjed
Dragec đinekov
Sv. Lucija
Antun Grahovar
Poziv na koncert
Sitnice
Poučak života
Ladislav Loina - 50 godina
Naklapanja
  piše:
  Nikola Maković
Put u povijest
 
 
 
 
 

Zajdni put nis dobro napisal da je Martinova žena Janić bila z Rakarja. Ona je bila Mlačica, od Števe Kramarićevoga sestra a nezina mati je bila z Rakarja od Jurenića, zato su ju zvali Jurenička. I na Ruglicu su otišle dve dekle. Rožu ku sem spomenul i Barek ka je bila mlajša od Milkice a bila je dobra šnajderica.

Brojna familija na Mlake posle Štefov z Dolenca su bili vuz raneje spomenute, Glagolići od Mikule komu su govorili Zajc. Mikula je z ženum ke je moja mama govorila majkica služil pri slikaru Weing ä rtneru. Poradi dobroga vladajna i posluha, Vajngetar je nega i majkicu slikal, a izvorne slike se čuvaju v Muzeju Turopola, na Gorice. Mikulina je drvena iža 1870. pogorela. Isto leto mu je plemenita općina Turovopole dala posudbu za zidanu ižu, ku je s črepom pokril tak da je vuz "Grad" to za onda bila jedina zidana iža v selu. Škola ke se sad reče stara je naređena puno kešneje, 1912., a se druge iže i črdaki su bili z dreva i šopom pokriti. Spomenuti Mikula je imal sine: Jankića, Matića i Jurlića (taj je bil rengav, zato su mu tak govorili) i čeri: Jelića i Barića ke su otišle Kovačom vzamuš, k Crnićom. Barić je rodila Matića ki je z Barićicum z Jakuševca imal jedinicu Rožicu.
Rožica je živa, a Ivek Naglić z Male Mlake ki se kne priženil a komu su govorili kvočkica je mrl. Trejta čer Janić je otišla k Išćeve zadruge, de je zrodila Tomeka ki je z Marekom od Pave Lackovićevoga (ozde de je sad još živa jedino Katek Jurice Staninoga ke veliju Binka) imal čer Ankicu, a kad je ona s šest let mrla imali su jedinca Želka, ki se oženil z Jadrankum Kolakovum. Janićeva čer Reza, Tomekova sestra je zela Mijicu Pilekovoga, z Dolenca. Reza je imala sina Števića i dve čeri, Janića i Katića. One su zele brate Števića i Jurića Jedanove (Kadanove). Matić od Mikule Zajca je osim one dece ka su pomrla imal sina Grgu, i Matića komu su govorili Rus. Si su živeli v "prve" iže, a moj japa stari Jankić z ženum Jagicum i decum v druge polovice.

Jankićov del iže je svoje čeri Zlate kupil otec, Mika Makovićev. Črdak ki je bil nadodelan vuz ižu su zrušali Zlata i Štefan Išćev kad su poćeli delati sadašnu ižu a zgotovel zet Miljenko, ki se priženil k nijove jedinice Katice. "Prva" iža, vtere ni niti čavel zabit od kak je naređena i vuke je z strinum Jamum (kak su ju zvali Jankićovi) živel Grga je zrušana, ne tak zdajna. Grga i Jama su imali fajn dece. Grga je bil za sprdačine delati, z a delo ni baš bil lakom. Svoju je decu od milja zval: Moji Ifcek, Barček, Pepček, Jocek, Adagec. Osim ove, još su imali Lubu (mamu maloga Kateka ka je zela Jureka z "Grada"), Katu ke su govorili Sekata i dve čeri ke su otišle v Francusku i još dečkof: Marka komu su govorili Markešina i Mateka. Sve skupa jedanajst. Sirotijnska štalica je bila kak je sad vulica "Glagolići", vuz Munđere, a vujne su imali kravicu, šuleku, ku bi s kapum vubil. Vu to vreme ni bilo hidrofora, vodovoda, niti pumpe, samo zajednički zdenec za vodu, ki je po delidbe, z nadoplatum dopal Jankića, mega japu staroga. Sad je zametan pod Zlatinum ižum. Žnega se puno vode popilo i cajnkof opralo. To si sadašni naraštaj nemre predočiti. Grgini dečki Ifcek i Pepček su vubiti v drugom ratu, Sekata ni išla v zamuš, Dagec se je već kesno oženil v Nemačke a drugi su se rezišli. Na gruntu je ostal Jocek z ženum Barum ka je bila od Jandreše, s Plesa. Imali su sina jedinca Pepeka ki je mladi nastradal.

Prije rušejna "prve" iže jedni su stanari bili fort isti: štakori a vužne su se mejnali: čas zajci, pa golubi, onda race. Pepekovi dečki su z mamum dovicum Maricum naredili novu ižu gore, vuz Grginoga brata Matića komu se govorilo Rus, po tem kaj je za prvoga rata bil na ruske fronte. Matića, Rusa, se ja dobro sećam po tem kak je z ženum Barićem ka je bila od Krilčićom kem se reklo Zvonarovi išel redovito kmeše. Ja sem poznal i brata Barićevoga Števića Zvonarovoga, ki je živel i mrl na denešne zagrebačke ceste. S te ižice ka još stoji na istom mestu i u istom obličju je zišlo v svet dvanajst Hrvatov. Će se Rus baš i malo kešneje ženil, imal je čer i dva sine i to: Mijića ki je skup z ženum Marum i jedincom sinom Vladum otišel živet k ženinemi na Odru i Jurića ki z ženum Rožum od Beničkine i kčerjum Nadicum žive na gruntu. K nem se priženil Pepić Vrbanić z Buzina. Jurićova čer Štefica je zela Jurića Kurilovčanovoga s terem ima jedinca Alena. Ove dve se nesećam da su ikada bili v cirkve. Mijićova i Jurićova sestra Barić je zela Pavića Kovačevoga po prezimenu Crnić s kem je imala jedinicu Maricu, k ke se priženil Jožek Koprnjak z Hrašć, brat Marice, žene pokojnoga Iveka črlenoga z Dolenca.