Broj
Godina
© K_com Dtg Ltd 2005.
Broj |
39 |
Godina |
5 |
| Veljača, 2003. | |
© K_com Dtg Ltd 2005. |
|
| |
|
 |
|---|
Put u povijest |
Naklapanja | Biti spašen ili ne |
|---|
 |
piše: | |
| Nikola Maković | ||
Put u povijest |
||
| FRANC Matejčić i MIJA Lacković ki je bil ober, na dvorišča su išli z vuličke ka je denes pripojena MATIJAŠKINOVE. Mija je imal sina PAVU ki je s prvum ženum od Cundekovičof BUGAROF imal Rokeka, Mijeka i Mareka. ROKEK se oženil z Rezicum z Dolne Lomice a MIJEK z Raščankum Marum. Nijove su iže negda bile zajdne na denešne Kramaričeve vulice. Z drugum ženum Katum ka je bila z D. Lomice a ke su govorili Stana, Pava je imal sina JURICU ki je zel Kateka s Kurilovca ke veliju Binka i ka žive na tem gruntu. Jurica je bil fini majstor za drevo obdelavati i z pokojnem kapelanom odranskem TONČEKOM Grahovarom je naredil lepe stupe tere more saki ki ide na farof videti. Na Matijaškinove vulice je prvi pri ceste bil JUREK. On je imal: Jožu, Grgu, Imbriju i Mikeka. JOŽA je z prvum ženum z Mičevca imal čer Rožu (Rošku) ku je zel Štević Čevek, sin Mateka Šnajderovoga. Z drugum ženum Odrčicum JANUM ni imal dece. Gruntek su nasledniki prodali strajnskem, črnokožnem ludem. GRGA je zel moju sestričnu Rožu Tomička Štefanovoga skum je imal Branka i Števića. Branko se oženil od Viteka Rajkovića, grobara z Odre, a Štević z lepum Mičevčankum Rožum. Ona i denes rat ide k meše, a nato je nafčila i jedinicu čer Ankicu v Rašče vdanu. MIKEK se oženil z Lubicum, sestrum Imbroške Cundekovića Iščevoga. Žnum je imal jedinicu Bareka ku je zel Lalek Korilofčanov. IMBRIJA se priženil v Mičevec i imal je jedinca, nežejnu. Na kraju vuličke je bil Jurekov brat Jankić milozvučnoga špota JANKLEČKE. Janklečke je bil ožejnen z Dojicum, sestrum Rokojne zbrega. Imali su Lojzeka i Magdicu ku je zel Štević Lacković PETRIČEK. Lojzek je z ženum Jelkum rodom z Mičevca imal sine Iveka i Jankeka–poštara ki živeju na gruntu i dekle ke su se povdale. Barića je zel Dragec Crnić Cinek, Mari ća Radek Korilofčanov, a Ankicu Silvek ze Zagorja. Marić je zrodila Števeka komu rečeju Rildek i na fletno mrla, mlada. |
| Ozde kak je sad vatrogasni dom je bila zadruga MIKCA Šnajderovoga. Kad su nijovu ižu z tri obluke od puta reskapali i od tud se Jurica i Tončica Šnajderovi selili, ja sem bil mali. Na gruntu ober je bil ĐURO pl. Lacković Šnajderof ki je imal sine Vida i Jožića i čer Jagicu moju mamu staru vdanu za lepoga Janka Glagolićevoga. Vidovu imam sliku. Poginul je v 1.sv. ratu. Jožić se oženil z Lubum od Popine z Dolenca. Imali su sina Jožicu ki se priženil k Mariške, jedinice Roka i Magde Lacković JEDANOVE, Vida i Jureka komu su govorili HRKAČ. Vid i Jurek nisu dali potomstva. Čer Katić je otišla vzamuš k Lojzeku Pažulevomu, sinu Marka Kunić. Vuz Đurin je bil grunt brata LACKA ki je imal dve čeri. Janu ko je ostalala na gruntu i ktere se priženil TOMA Cundeković Iščev i Katu ko je vzamuš otišla k Juričinovemi, Drageca Trumbetaša slikara majka. Tu sad žive dovica Anka Grgurinović, kaj veliju Brenzarova. Jana i Toma su imali sine: Mikića, Franca, Štefana (zela ga je moja sestra Zlatica), Ivicu, Lacka i dekle: Rezu, Barića i Maricu. Još je živ samo Ivica ki se priženil k dovice Janiću, bogate jedinice Jure Kramaričevoga BRKAČA. |  |
 |
| Na slike: Kata Trumbetaš rođ. Lacković, slikara Drageca mama stara (slika iz 1980. godine) |
| Do Tomine je živel MATEK Šnajderov, ki je s prvum ženum isto Šnajdarkum imal čer Bareka ko je z Dragecom Plepeličem rodom z Plesa živela pri KOVAČE. Koj moli dečec sem s tatum išel Drageca čuvat kad je mladi mrl. Dragecova iža je bila zojdna pri Kovače. Knem smu na pumpu išli pit vodu kad smu na zemle Zavrtnice po vručku kopali ili kosili. Imali su sina Mateka Bracu i čer Janeka. Braco žive na tem gruntu, a Janek je k Bačurinu v Rašče v zamuš otišla. Matek Šnajderof je z drugum ženum čerjum Janke Crniča, sestrum Ivinum, imal sina Števića Čeveka koga sem več spomenul. Čevek je taj grunt prodal Šiprage. Na gruntu za Matekovem su bili ŠNAJDEROVI: Vincek, Lojzek, Franc i Petrek. FRANC i PETER nisu imali potomstva a LOJZEK je imal (Ma)Janka i Katu. Majanko je z Rožum od Mudića imal tri čeri: Rezicu ka se vdala za Franceka Ilenić Bajsmenovoga, Janeka ko je otišla vzamuže na Odru k Jurkinu i Bareka ko je zela mega bratića Pepeka Makovičevoga. Još je imal sina Števića Majanka ki je zel čer Martina Glagoličevoga Marića Pasu skum je imal jedinicu Bareka. Obraduvala me pojašnejnem intelektualnog dosega maminoga korena na čemu je zafalevam. KATA ke su govorili "MLADA" je vzamuže bila pri Juričinovemi i imala je čer Anaku. | ||
Mišad grize, ali po tlih gmiže. Sam su oro u nebo se diže! (S.S.Kranjčević) |