Vuz denešni vatrogasni dom je bila drevena iža z visokem, denes to rečeju Alpskem krovom. Vujne je živela Barić BENIČKA z mužom JANKIČOM Lacković komu su govorili FECA. Nega nisem poznal nu jesem. Benička je bila čer od TOMIČKA Krilčića Štefanovoga ze sadajne Štefanove vulice kbr. 5, ki se dvaput ženil. S prvum ženum z Beničkinoga grunta je imal sina ŠIMUNA ki se oženil z Janičom od PETRIČA Makovića i čeri: Marića Muženičku i Barića oke pišem, Beničku. Po materine smrti Benička se z mužom Jankičom nastanila na rodnom gruntu. Kak se denes ludi veseliju novomu avutu tak su se negda veselili detetu, sakomu. Denešnem svetu je ta filozofija zaostala, a si, pa i oni kaj niti Bogu niti ludem nisu dali više od jednoga deteta čekaju penziju. A do ju bu naredil? Jedinci ili jedinice moraju delati za dva. Benička se za penziju ni trebala bojati. Deca su sklopala umorne oči vmiručem roditelom. Za Klenovnik i Novi Marof se ni znalo. Benička i Feca su primer zdrave i sretne lubavi ku su potrdili rođejnem sinof: Števića, Jurića, Franca, Jožića i čeri Milke, Lube, Drage, Marića i Rože. Denes si jafčemu kad se po promislu Božem dogodi nekaj kaj nam ne paše, a te je čestite žene muž rano od sušice mrl. I čeri Luba, Draga i Marić su mlade i v kratkom vremenu pomrle. Ostala je z decum živeti i sama zajne skrbeti. Pojne i po takvemi hrvacka i denes traje.

Za patnički život Bog je je daruval sretene zajdne dane života z sinom Juričom i dobrum i pobožnum snejum Katekom od Ledara s Kurilovca. Nu, oni su imali samo čer Maricu, jedinicu. Lackovićom ki su dotikavali Beničkine su govorili ANĐELORI. MATIČ, stari Anđelor je imal sine Roka i Vinceka. ROK je ostal na domovine z ženum Magdicum, šestum čerjum Mrmlekovum. Ostal mi je v sečajnu kak se gizdavo vozil na flajšvaglinu z zetom Jožicum i čerjum Mariškum, jedinicum. Jožica i Mariškica nisu imali potomstva i su su dedovinu za života resprodali.

Dekle su se rezišle. Milka na Ples k Trbiču. Potle je nezina čer Katica zela Iveka Lacković Jedanovoga z melena. Katić je zela Atalića z Čehov. Janić je iza partizanije otišla v Ameriku a Barek se dost kesno vdala na Goricu za preštimanoga limara Matijašeca. Resprodajum obitelskoga srebra Štević i Matek su naredili lepe iže zidanice. I mesto sreće počele su prepirke. Na kraju je Števič z ženum Barum Plešankum i čerjum Maricum otišel v Ameriku de su i sad. Matek se je z ženum Barum Lomičankum celi život mučil. Sinu Velku, jedincu, omogućili su lagodnu mladost i rano bežnega ostali. Matek se mučil s kamionom Magirusom i na drešu mlatil ječmen i šenicu a Bara je delela v melenu. Melen je bil vuz staru Gasilanu, ozde de je sad diskont Tehničke robe. Vujne su bile na stalažami desno i ravno kacige, a ručna pumpa za vodu na drevene kole i mrtvečka kola su bila skup. Vrata su odozdola bila strula pak smu se mi deca nutre nalukavali.

Z grunta na Trgu Majke Hrvatice kbr. 7, s kem sad gospodari Miro Krilčić Pudlin, se po selu rezišlo četri bratof i povdalo dvoje dekel. 1.Imbrić komu su govorili Todek je od odbornikov prije nek su otišli v Daruvar kupil ovaj grunt kak je sad Pizzerija LACI. 2.Štević se oženil z Baričom od Mrmleka i živeli su v dre vene iže vuz Matu Ilenića Bajsmana. Imali su sine Pavu i Jureka z Brckova te sestru Barića ka je zamuš v Buzin otišla. 3.Jankić FECA se priženil k Beničke. 4.Lukić komu su govorili Šlukek se vrnul z Amerike i oženil z dovicum Marićom Muženičkum.