Mijič i Reza su imali jedinicu Dragicu ka je z Šipušičom, lift majstorom, zrodila jedinicu Dubravku ka se sad preziva Perič. Muž Dragičin je otišel v Ameriku i nigdar se ni nazaj vrnul. Dragica je mlada mrla a Dubravku su otranili deda Mijo i baka Reza. Sad se nekaj snuje da bi Rezina prenuka Vedrana, dobra dekla i odlična pevačica i tancala mogla v zamuš na Mlaku k pridošlice Danijelu Bertolu dojti.

Žena četrtoga brata Juriča, Jelek, je bila s Korilofca. Imali su jedinicu Jelkicu ka je otišla v zamuš za Jožeka Šipušiča, na Malu Goricu. Sad se i za to reče, Velika Gorica. Z ovoga se čita da su četiri sini imali pet čeri, kaj je znak da se miral delil a ni množil. Dekle oca Miška su se povdale ovak: Janič je došla na Mlaku k Roku Lackoviću, Šnajderovomu kem se reklo zbrega. Ne su po mužu govorili Rokovica. Živeli su v drevene iže ka je još i sad na samom zavoju denešne Zamlačke vulice. Imali su jedinca Miška ki se oženil s Plesa, z Barekom pl. Plepelič, sestrum Janeka ka je bila vdana mam polek, pri Dajdeku Cujnkovomu. Miško i Barek su imali jedinca Števeka ki je z ženum Ankum Majurčevum z Mičevca imal sina Zlatka i čer Nenicu. Ona je v zamuže pri Stepaniču, v Korilofcu. Števek je bil odličen golman i su osnivatel selskoga nogometnoga društva "Traktorist". Sečam se da je volel red i disciplinu med igrači, zato su ga zebrali za kapetana momčadi.

Druga Rokovičina sestra Dragica je bila v zamuže pri Mišku Vugrinoviču na Male Gorice, a trejta, Jelka, pri Stepaniču v Korilovce. Dragica i Miško Vugrinović su imali jedinicu Bareka, ku je zel negda preštimani mehaničar Ivič Šafranič z Plesa, komu su govorili Bakarič. Jelka je pri Stepaniču imala dve čeri: Dragicu ke je muž bil Jura Ledar, obrtnik električar, i Katicu ka se vdala k Radočaju v Korilofcu. Jura i Dragica su imali dva dečke od ke je jeden, Miljenko, doktor a drugi, Jurek, je v četrdesetom letu mrl. Četrta sestra, Marič, se ni vdavala. Žnum su na grunteku teroga su je se Ištvaniči domrli živeli ovi gorni, Dragica i Jura Ledar. Peta čer Barič se dopadala memu pokojnemu ocu, ali kad je došel v snuboke, moral je zeti onu tera je po starosti bila na redu za udaju. Ljuba je z mojem ocom imala dva dečece ki su mali pomrli, a nekaj kešneje, moju sestru Zlaticu tera je zela Štefana, sina Tome Cundekoviča, Iščevoga. I sestra Barič je došla na Mlaku k Ive Krilčiču kemi su govorili Odbornikovi. Ta, nenaslublena dekla mega oca je z Ivum Odbornikovem imala jedinca Jureka, teri je oženil Đurđu, z Dolenca, od Štefove-Popine. Jurek i Đurđa z svojem jedincom Ivekom i negvum decum dokončavaju život na Gorice, na grunteku kaj je po delu pripal Bariču i de su naredili ižu. Krilčićof-Odbornikof grunt je negda bil zmed Cujnkovoga Imbriča i Rokojne zbrega. Najpoznatiji od te marlive Odbornikove familije je bil Mikulaš, ki je imal pet sinof i dve čeri. Oni su se tuliko šteli mučiti na zemle, da su oko 70. rali zemle na Mlake resprodali i odselili v okolicu Daruvara, de su kupili pet put tuliko. Da su bili leneši, denes bi bili kapitalisti.