Ja sem još na početku pisajna prosil za oprost ak nebu kaj točno napisano, i da mi saki ki ima kaj za prigovoriti napiše na cedulu ku nek onda preda velečasnomu ili tete Lubice Kolaričkine v šakrestiju. Do sad nis dobil niti jedne pritužbe. Za nektere naređene pogreške sem se več respital tak da v knižice vuke bu se na jenom mestu, to bu popravleno. A moram pripomenuti i to da me nekteri ludi trepčeju po pleče i veliju, Miko: ovo, kak delaš, dobro je, a nekteri pak prek posrednika poručevaju da nisu zadovolni. Ali, kaj ni tak odnegda bilo, da nemreš sem udovoliti...

Nu, prede nek su Krilčići kem se govorilo Odborniki otišli živet v okolicu Daruvara, zemle su pokupili Mlačani, a grunteno mesto je kupil Imbrič Lackovič, po špotu Todek. Negov prenuk, inđiner Jožek Pavišić s Korilofca mi je pripovedal, da negva pokojna mama Barek ni znala reči dedek, nek je mesto dedek zgovarjala Todek. I tomu, dede Imbriču se to tak dopalo, da je i druge dece zapovedal da ga ne zoveju dedek, nek Todek, če se baš vuto vreme govorilo japa stari, a ne deda niti dedek. To je bilo po gospodskom. I govorilo se Oni, ne Ti. Todekov sin Imbrič, teroga sem ja poznal je bil ožejnen z Rožum od Gusiča, z Male Gorice.