Prvi odvojek iza križnoga dreva na levo kad se išlo z Mlake prama Mičevcu i Jakuševcu, a pokom se išlo na zemle Zavrtnice, Šamice, Popovčice i dale na Jelačičke, reklo se Kovači. A zemlam na samom početku zdesna ke vlečeju do prve linije pri šupe, reklo se Parasajke. Prvi vlasniki su bili Cujnkovi: Imbrič Dajdek, Markica i Jujeta Čvinkov otec. Med prvemi je komadič od dedovine Parasajke odsekel i prodal Dragec Cujnkov Dajdekof, potlem i drugi. Dojne je ižu naredil Jurki Novosel, nuk Imbriča Krilčič Štefanovoga. Imbrič ili Imbrač teromu su govorili i Niger, tu je zemlu mejnal z bratom Miškom za pašuš. Da ni posreduvala vujna Rokovica moj tetec Miško bi ostavil ženu Magdicu skum se kratko prije toga oženil i otišel v Ameriku. Nu, Parasajku više ni dobil.

Ja pametim da je pri Kovače bilo nekuliko ižice, a glavno prezime je bilo Crnič. Od se Crničov mene najstareji poznati je bil Iva Crnič Kovačev. Sestre su mu bile Jaga pri Kramariču, Dora pri Iviču Cundekoviču Drobaku i Janič ka je zela dovca Mateka Lackovića Šnajderovoga. Jagu sem poznal, a ove dve nis. Ivina iža vuke je živel z sini Ivičom, Pavičom i čerjum Magdum je bila zajdna zdesna pri Kovače. Čer Reza je bila vdana za Števeka Lacković Kolaričkinoga.

Na istom dvorišču vuz drevenu bila je zezidana iža vuku se preselil Pavič z ženum Baričom rodom od Glagolića, sestrum Juriča i Mijiča kem su govorili vrtni. Pavić je z Baričom imal Maricu, jedinicu moje starosti. Ivič je bil ožejnen z Jagum, čerjum moje tece Dore Makovičeve vdane za Tomička Krilčić Štefanovoga komu je ona bila druga žena. Ivič je z Jagum imal jedinca Jureka. Po delidbe grunta Ivič se z familijum odselil fižu ku su napravili na Parasajke. Na starom gruntu je ostal Pavič svojemi i z prižejnencom Jožekom Koprjnakovem z Rašča. Jurek, Ivičov sin se oženil z Kuč, župa Vukovina i od troje dece ima muškoga potomka pokom bu to staro Velikomlačko prezime dale trajalo.

Predzajdna na iste strane je bila ižica Joška Arbanas z Rašč komu su govorili Lajič. Taj grunt su on i prva žena Katič, čer Lojze Crnića, kupili od Jandraša Crnič, jedinca Pavlovoga. Taj Pavel, je osim opisanoga Ive Crnič Kovačevoga st. imal još i brata Marka. Jandraš je oženil Danicu, sestru Grgine, Jože i Mikeka Lacković Matijaškinove. Po smrti prve žene Katiča skum je imal čer Bareka ka je zela Jožića Lacković Beničkinoga, Joško se oženil z Dragum Novosel, sestrum Juristinum, Števičovum i Miškovum komu su govorili Pajuta. Z Dragum je Lajić imal dvoje dece. Števeka komu rečeju Ribica i Ankicu ka se v Relič vdala za mesara Miška Matuna. Ankičin sin Renato žive na tem gruntu z vujcom Ribicum ki je ledičen. I Lojz Crnič Joškof prvi tast se isto dvaput ženil. Prva žena ke su govorili Kudica bila je sestra Tončice i Jurice Lacković Šnajderove, a druga žena ke su govorili opatica je bila od Mudiča. Mam do Lajiča je bila drevena iža Lojzeka Crnič komu su govorili Klepec. Osim nega otec Marko je imal Jožu ki je otišel v Ameriku i mrl ledičen, Klaru ka je zela Števiča Novosela Pubu skem je živela na Gorice, Barića ka je otišla vzamuš k Pisačiću i Nikolu komu su govorili Žmika ki se oženil z Milkum Novosel Popinum. Lojzek je bil ožejnen z Malomlačicum Marum i žnum je imal jedinca Iveka. Ivek se oženil z Vrhovlja i ima dve čeri. Žnem prezime Crnič na tem gruntu mira. Mam do Lojzekovoga bil je grunt Lajičove švogorof po prve žene: Drageca komu su govorili Cinek i Imbreka komu su govorili Tajnik.

Nijov je negda grunt bil v komadu, a najnem na levo velika drevena iža. Nijovi nasledniki imaju saki svoju ižu i dvorišče. Dragec je bil ožejnen z Baričom kaj su je rekli Lola, čerjum Lojzeka i Jelke Lacković Matijaškinove. Imali su jedinicu Vericu. K Verice se priženil Zukanović z Rašča s kem ima dvoje dece. Dragecov brat Imbrek je bil ožejnen z Baričom, čerjum Jele i Drageca Munđer komu su govorili Dragojna.

Jela, Dragojnina žena je bila sestra Jakopa Martinkovič, od Pažula rodom. Imbrek i Barič su imali jedinicu Katicu k tere se priženil Ivica Župetič s Korilofca komu veliju Čumpek. Imaju dva sine.

Po braće Dragecu i Imbreku prezime Crnić na tem gruntu vmira. Izgleda da bu prezime Crnić neko vreme preživlevalo po nuke spomenutoga Ive i Števe Crniča komu su govorili Cogar. Števa, Cogar je bil ožejnen z Katičom, čerjum Korliča Munđerovoga. Števa i Katič su imali Drageca, Števiča, Milku vzamuže za Markicu Cundekovič i Mariča ke su govorili Maruška, a vzamuže pri Ive Krajačiču v Rašču. Na Števinom gruntu ki je neteknut kuliko ja pametim, žive još samo Števič, ledičen, od mirovine ku je zaslužil dok je delal Francuske. I na gruntu Matiča Crnič Kovačevoga polek Cogarovoga se prezime Crnič zatrlo. Matičeva mama Barić, je bila od Glagoliča, mega jape staroga Jankića sestra. Matič se malo stareji ženil z puno mlajšum deklum odsebe, Baričom Tuškan z Jakuševca, ke su govorili Baričica. Imali su samo jedinicu Rožicu k tere se priženil Malomlačanin Ivek Naglič. Rožica i Ivek su imali sina Jureka i čer Katicu. Katica je vzamuš otišla v Buzin za mesara Iveka Krajnčinu kaj mu veliju Đek. Na gruntu sad žive Jurek z ženum Milkicum, sinom Nikolum i mamum Rožicum, a Jurekova čer Mirela se vdala na Posavinu.