Barka - list zupe sv.Barbara


Broj	57
Godina	6
Rujan, 2004.


Naslovnica
Sadržaj
Uvodnik
Statistika
Obavijesti

Aktualnosti
Barka
Impressum glavna
© K_com Dtg Ltd 2005.

Put u povijest	Sv. Luka evanđelist	Priča o anđelu		Božja pomoć
Hodočašće u Mariju Bistricu		Poezija	Molitva	Učiti od života

		piše:
		Nikola Maković
	Put u povijest

Već sem spomijnal velikomlačko prezime Cundeković. Do teroga stoleća nazaj ide negvo postojajne na Velike Mlake istražuje gđa. Janek Išćeva udata za mesara Ivića Korilofčana. Mort se i ona oglasi v Barke, a s obzirom na mogućnosti mort i izda knižicu s temi podatki. Gledeć dokumente v duge turopolske povjesti, Cundekovići su bili skloni Mađarske politike. Glavna centrala zadruge CUNDEKOVIČ je bila oko križnoga dreva. V odličnom mi je sečajnu velika zadružna iža vuke je na zajdne živel Jankič komu se govorilo Japa. Čini mi se da su Jankić Išćev i Imbrič Korilofčanof Šikec bili zajdni kemi se govorilo Japa. Japa je prelepi kajkafski naziv za oca ili po tuđem tata. V imenuvajnu JAPA nijovi su sini, nažalost jedinci, Ivek i Branko zdržali do kraja. Onem Cundekovičom ki su se oko križnoga dreva zadržali do denes se reče IŠČEVI. Denes natom tlu živeju potomki te brojne zadruge od ke se ne puno rezmilelo po selu ili dale po svetu. Stara prostrana drevena iža z dve prostorije imala je veliki strmi krof, s črepom pokrit. Šop na krovu ne pametim. Jedne prostorije se reklo prva iža a druge zajdna iža. Z prve iže potekla je reka Iščevof i poglejte to:
I. MIŠKO, ki je z ženum Tonikum, sestrum Petričkovum imal troje dece:
1. Tončeka ki je zel Mariča, čer Štefeka Ilenič Bajsmenovoga.
2. Petera ki se priženil v Buzinu.
3. Evicu ka se vdala k Šurmanoviču v Rašče.
II. LUKIČ, ki je z ženum Filomenum z Dolne Lomice imal troje dece:
1. Lubicu ka je otišla v zamuš v Buzin.
2. Katič je zela Vladeka Novosela v Dolencu.
3. Mijeka, komu veliju Pišlek. On je još jedini žif. Ožejnen je Lubicum Jurkinovum z Odre. Imali su čer jedinicu Šteficu v zamuže za Drageca Crniča. Mijek i Lubica živeju sami a izajne gruntek na denešnem Trgu Majke Hrvatice ostaje na propadajne. Štefica i Dragec živeju v nove iže ku je Dragecova mama Katek, čer Jože Glagoliča komu su govorili Klobas naredila dok je v Nemačke arbajtala. Iža je naređena na nezine zemle v Dolcu, a denes je to vulica Nikole Kramarič.

Na slike: Namakajne konopel v Jankovičevom bajeru, v Mičevcu
III. IMBRIČ, ki je z ženum Baričom od Glagoliča, mega jape staroga sestrum imal: 1. Jankića komu se govorilo Japa. Japa je z ženum Marekom Jurkinovum z Odre, sestrum Lubice Mijeka Pišleka. Imali su jedinca sina Iveka ki se oženil z Dolenca z Dragicum Mije Novosela. Ona je odmene malo stareja i neznam zakaj je se govorilo Piđagica. Ona je bila z koražneje familije i ni bila v strahu roditi više put. Tri drage i dobre čeri je zrodila. Brankica je v zamuže na Gorice i čini mi se da i ona ima troje dece. Jankič Japa i Marek su pomrli i na tem gruntu živeju Ivek i Dragica z najmlajšum čerjum Darijum i semi f selu poznatum Nanicum Japinum. Nenica več fajn let čita poslanice f cirkve, a kat se kaj dela v cirkve rada priteče v pomoč.

Dobroga je srca i pomaže sakomu, kaj su i vatrogasci dokučili, pak je i prijnemi tajnica i blagajnica. To je ni strajnsko jerbo je i Japa, nejin ded bil puno desetleč vatrogasec.
2. Lubu, ka je bila v zamuže na Odre pri Fučkalcu. Ižica je je bila blizu križnoga dreva, vuz Vučiča komu su govorili Dereš. Ne se ja sečam da je nas Velikomlačku decu kad smu išli na Odru k meše rada spitavala čiji smu i kak su naši doma. Imala je gušu pod vratom pak nas je jerbo smu bili mali to bi bilo straf gledeti. Prijne smu se znali i vode napiti kad smu išli delatni dan z Odre z veronauka.
3. Maricu, vdanu k Pavišiču na Lukovec.
4. Mijiča, ki se oženil z Janičom od pl. Klaričof s Plesa. Kak je bila gizdavo držajna i još od plemenitakoga roda govorili su je po nezinemi doma Grofica. Imali su jedinicu čer Janeka ka je vzamuže pri mesaru Iviču Korilofčanu, kaj mu veliju Guska. Ja sem tek počel pametiti kad su pripovedali da je Mijič pod nožom, na operacije mrl. Janič Grofica se prevdala i skup z malem Janekom došla k Paviču Krilčič komu se reklo Pavela ili Pavlina Štefanof.
IV. JANKIĆ se oženil z Magdum od Trumbetašof z Dolenca. Živeli su v ižice vuke sem nekuliko put koj dečec bil a reskopana je oko polovice devetesete let XX. veka. Imali su četiri čeri:
1. Janiča v zamuže v Korilofcu.
2. Baricu. Nu je zel Francek Krilčić komu se reklo Špektorof. Barice je moja mama fermena kuma, a kumstvo je obnovleno puno kešneje kad je moja sestra dr. Janica vezala fermu Baričine i Francekove jedinice Ankice. Tak se moj tata i mama, a kešneje i mi deca oslovlali žnemi s "kume".
3. Doru, ka je otišla s prve iže v zamuš v zajdnu ižu za Imbreka Cundekovič komu su govorili Imbroška. Doru i Imbreka se sečam da su kat je župnik Loina utvrdil mešu saku Nedelu redovito kne išli. Imali su jedinicu čer Štefu, a ižicu su naredili mam vuz vuličku ke se negda reklo Iščeva. Vlasniki te zemel su bili Iščevi. Te su zemle podelili i restepli, najviše doselencom Hrvatom z Bosne. Tak se zajnu dok ni bilo nazivof vulice reklo Bosanska. Sad je se reče vulica Matije Gupca.
4. Rožu, ka se ni vdavala. Imala je govorni feler, ali je život do kraja preživela v rodne ižice ku je nazajdne Janek Baričina skup z gruntekom prodala.