Broj
Godina
© K_com Dtg Ltd 2005.
Broj |
62 |
Godina |
7 |
| Korizma, `05 | |
© K_com Dtg Ltd 2005. |
|
| |
|
 |
|---|
Put u povijest |
Darovnica | Zahvale |
|---|
 |
piše: | |
| Nikola Maković | ||
Put u povijest |
||
| Vuz kovačnicu na tere je od puta bilo napisano "Janko Poturić"-kovač i potkivač" bila je mala drevena ižica ka je imala samo jednu sobu. Da bi vujnu zašel moral si stati na jednu cimentiranu štenženicu i prekoračiti visoki prag. Nutre je bil zemleni pod. Na levo je stal šporet, a polek nega kak je to za onda mejne više sekud bilo, stala je stolica, a najne amper z vodum. Šefla je bila obešena z vajnske strane ampera, a negda i v vode. Kad si ožejal napil si se. Ni mi poznato da je igdo imal kakvu zaraznu bolest zaradi toga. Na desno je stal ormar, masivni, kak se onda poštuvalo. Ravno z vrat došel si do stola nakom se mesilo testo za rezance ili gibanicu, jelo, ili kaj drugoga delalo. A kaj drugo? Kak se vuto vreme slabo ili nikak ni peglalo, ovaj je stol služil vlasnice za rožničajne rubače ili nektere druge robe. A vlasnica te ižice bila je mala, debela, ali frčna ženčica ka se zvala Marek Cvetković, a mi deca smu je govorili teca Marek. Nezine mame je bilo ime Barek i nu ja ne pametim. Barek je bila v zamuže za Jankića Cvetkovića, brata od Lovreka komu su govorili Kuhilek. |
 |
 |
Grunt jem je bil ozde prek puta cirkve Svete Barbare de žive Lovrekov sin Pavić z Zvonkom, jednem od tri sine kuliko je zrodila negva žena Milka, Slovenka po rodu. Z Marekom je tu do zamuža v Reliče živela i nezina čer Lubica. Svega brata Jurića koga je poradi slaboga zdravja Marek k sebe prigrnula, ja ne pametim jerbo je on mladi mrl, prede nek sem se ja zrodil. Denes bi se za Mareka reklo samohrana majka i morda bi dobila kakvu pomoć od države. Za onda niš. Sirota i dovica sama se hrvala z životom tak da je po danu hodila po težačkom poslu, a v noči, pri svetlu od lampe na gajs rožničala rubače. A i od toga kamena s kem se rožničalo, ki je bil veliki koj nojevo jejce su ju znale ruke boleti. V mojem je detinstvu teca Marek već bila stareja žena pa sem je i ja tu i tam znal otijti v dučan k Franceku po deci volja ili frtal kile cukora. Prijne sem si ja i prve dinare zaradil. F petom razredu škole na Gorice, vučitel Josip Lovrić je nas muške vučil pod satom ručnoga rada piliti i rezbariti. |
Mene je pilejne šperploče z pilicum nategnutum na čeličnom luku išlo, pa sem se pustil vuto. Na šperploče bi si scrtal muštru a onda bi te narisane elemente zrezal a za nazajdne si bi ostavil za zrezati luknu za sliku. Jen od najbole moje kupcof bila je baš teca Marek. Ona je pod zajdne otišla živet k čere v Relić de je i završila zajdne dane života. Gruntek i ižicu je kupila Barek, žena Pepeka Črjnaka z Dolenca komu se reklo Dušekof. Ona je naredila malu lušnu zidanicu i žive vujne z čerjum Šteficum i nučići. Do grunteka tece Mareka živel je Pavel Lisičak z ženum Rezum. Taj komačec zemle dobila je Rezina mama od Krčmarof, za miraz, kad je išla k Smolčićom v zamuž. Pavel je bil po zanatu šoštar i delal je pri vojske, na erodromu, a Reza je bila doma. Imali su dve lepe čeri. Stareje je bilo ime Olgica a mlajše Zlatica. Vuto vreme o kem pišem one su već bile ozbilne dekle i jedna za drugum otišle su v zamuž. O Olgice neznam niš, a Zlatica je zela Zvonka po prezimenu Filaković. Kad sem se 1962. zaposlil v poduzeću "Zmaj" Zlatica je tam bila činovnica, a Zvonko je bil šef odelejna finomehanike. Kak je ftem poduzeču komanderala vojska JNA, preporučalo se biti član Partije. Sečam se da je vutom društvu Zvonko bil visoko rangerani. Kak su Pavel i Reza stareli i pobolevali nastanili su se pri čeri Zlatice, na Gorice, de su i pomrli. V ižice je jedno vreme stanuval podoficer Radenko, Srbijanec. On si je ze semi ludmi okolo bil dober, a negva žena Zlatica je bila šnajderica. Ostalo mi je v sečajnu da je puno deklami šivala, a Janeku Brozović ke smu rekli Krčmarova venčanu kiklu. Gruntek i drevenu ižu je od Pavla i Reze kupila domačica Jakuševečkoga župnika, teta Ifka. Ona je bila rodom z Požege ka je imala tradiciju školstva, jedno vreme jaču i od Zagreba, tak da je osim kaj je znala fino kuvati znala i nemački dobro govoriti. To je jamčilo i nezino prezime Forenbacher. I opću kulturu, skum je povezana i kultura ophođejna z ludmi je imala. Če je bila i stareja gospođa, ludi ki su išli na državni posel rada su je dali decu na čuvajne. Znali su da su v sigurne ruka. Vuto vreme, pogotovo na selu ni još ni govora o vrtiče bilo. Po smrti g.Ifke Forenbacher ke smu govorili teta Ifka, ostalo je v naše cirkvice jedno mesto fraj i na ga imal do popuniti. Gruntek i ižu nasledil je nezin nečak, a kad je on mrl onda ga je prezela negva či. Za vreme Domovinskoga rata tu su bili ludi prognaniki z Barajne. Sad najnega retko negdo dojde i zaraščen je z velem dračom i koprivjem. |