Broj
Godina
© K_com Dtg Ltd 2005.
Broj |
63 |
Godina |
7 |
| Uskrs, 2005. | |
© K_com Dtg Ltd 2005. |
|
| |
|
 |
|---|
Put u povijest |
||||
|---|---|---|---|---|
 |
piše: | |
| Nikola Maković | ||
Put u povijest |
||
| I Lisičakom i dobre tete Ifke život je puno put zagorčil svadlivi sused, mejaš, Jandraš Brozović. Brozovičom se reklo Krčmari. Krčmarov grunt je v dolnem delu , gledeć od denešne vulice Svete Barbare bil podelen, z jednum linijicum po sredine. Pojne se išlo na gornu polovicu, uz silno Jandrašovo protivlejne. Negda je znal lude vraćati, i v nelagodu tirati. Taj komad je den denes onak kakof je bil prede 50. let i najnem ne žive nigdo. Najnega se more dojti i od strane Putine, odnosno denešne vulice Napredek . V vreme okom pišem, na Putine su kola grezuvala do šteclinov i moralo se kojne potprezati da bi zvlekli naprimer voz kukuruze. Taj, gorni del, v mojem je detinstvu uživala teca Dora, rodom od Ladišića z Lukofca, žena Jure Krčmarovoga. Juru ja nis znal. Samo se sećam da je gorni grunt po Dorine smrti užival Dorin zet Joža Ročić z Gorice, ki je oženil Dorinu čer Marića. Nakon puno let svađe i natezajna, Jandraš je liniju nasilno premestil vuz Lisičaka. Taj je grunt od Ročića otkupil Dragec Jurišak , nuk Jurine sestre ke su govorili Lazarica , tera je zarad bolesti bila nepokretna, v krevetu. Na tem su gruntu svoj život dokončali Ivica Bogomolec , Dragecov očuh i Roža , Dragecova mama. Dolni del je dopal Jankiča, Jandraševoga oca. Od tu, z male drevene ižice su se rezišle po svetu. Janič je zela Imbriju Smolčića komu su govorili "Graničar". Sestra ke su govorili Kolopajna je otišla v Korilovec, a četrta je bila vdana v Rakitovcu . |
|
Na slike: Župnik Ladislav Loina 1954. z anđelki , med kemi je Janek Krčmarova, Brozović.
|
||
| Peta sestra, Jelić, je bila vzamuže pri Kramariču. Ona je bila majka Branku Korilofčanu kaj mu veliju Pinkič. I ak sem već to pisal , rado se te starice sećam, i nezine čeri Rože. Rada su f cirkvu išle i strplivem podnašajnem tereta života sigurno Božje okrilje v večnosti zavredile. Za razliku ojdne, brat Jankić je bil proračunati višežejna. Prva žena mu je bila od Krilčićof, Štefanove, od ozde de je sad Jurek Lacković, kaj rečemu Šimčef. Četrdeset let je bila ojdnega stareja. Imala je puno zemle ke se Jankić po nezine smrti dočepal. Pojne je priženil više rali v Celina, i ral gruntenoga mesta, ozde kak je škola. Taj komad zemle je Jandraš, sin Jankičove druge žene prodal, Bosancom, Kikič Marku i Selimoviču Jusufu. Z prvum ženum Jankić ni imal potomstva. Druga žena Reza je bila odozde de je sad Vatrogasni dom. Ta žena je bila sestra Rokojne Lackoviću, Zbrega, i Dorice pri Matijaškinove. |  |
 |
Dorica je bila mama Lojzeku, i Magdice vzamuže pri Petričku, oke sem pisal ni tak zdajna. Trejta Jankičova žena Jaga, rodom z Lukofca od Pavišića, zrodila je čer Mariča ka se vdala v Buzin. Ta Jandrašova polusestra je za II. Sveckoga rata vubita, dok je na zemlu Jelaličku išla krumpera skapat. Ta smrt ni nigdar dokučena. Jandraš je imal prilično osornu čud , ali je z rukami znal napraviti ono kaj su oči videl . Za napraviti dečje igračke ili kakve predmete z dreva, bil je majstor, muder i spreten. Nas decu je s tem oduševleval. Ožejnen je bil z Buzinčicum Maričom, rodom od Vrbaniča. Mara je bila draga i pobožna ženčica . Puno let kešneje kak je došla na Mlaku, za traktorista je v mlačku zadrugu došel nezin sinovec Vladek . Kak i drugi Buzinci i Vladek je bil veseli čovek i rada si je teru čašicu popil v Zadružne bertije, v Črdaku. Nakon jednoga obilnejega nazdravlajna z Joškom, bomeč je sevnul nož, a Vladek se našel v bolnice. Čini mi se da posle više ni mogel orati ni druge teže posle s traktorom delati, nek su ga deli na prevoz žlempe, skum su ludi svijne i krave ranili. Mi smu Jandraša i Maru zvali kum i kuma, jer je moj tata nemu bil fermani kum. V zimske mesece kuma Mara je tkala i našvavala, a to je znajne prenesla i na čer Janeka. Na krpa ke je našvavala bile su navek napisane neke praktične kuharske ili domoljubne poruke, a vesele su se ober vode ili šporeta. |
||
| De je denes ova velika zidanica, negda je stala drevena ižica, z dvemi obluki od puta, i kujnicum nadodelanum v kluč. Pod kujnum je bila kmična pevnica, vuku se moglo zajti ako se zdigel komad poda. Kum Jandraš je zato repu i krumper spravlal v trap. Kak su negda ludi bili puno obzirneji spram stareje, bar si ja tak zamišlam, i prijnemi su život dokončali Marina mama Roža i vujček Jankić, Buzinci. Ni onda saki ukučan imal svoju sobu, kak je to denes. Nam je bilo nepojmlivo kak je Jandraš sam vujčeku napravil les kak je mrl. Vujček je bil pušač, pa smu ja i Jandrašov sin Jurič negda išli v dučan kupiti po jen, ili dva cigaretline. Cigaretlini su imali imena po voda: "Opatija", " Ibar ", "Drava", "Sutjeska", "Drina", " Morava " i drugoč. I Jurič i sestra Janek su imali talent za sekaj napraviti, poput svoje roditelof. Narav su imali blagu, po mame. I đaki su f škole bili dobri. Nijovo se detinstvo sprepletalo z mojem, tak da smu dosta išli jedni k drugemi. Toga sad više ni. Jurič je čak mene došel v Sarajevo de sem služil vojsku, f poset. On se oženil i neko vreme je živel negde v Jarunu, v Zagrebu. Z ženum Ankicum rodom Harapin, z Klajnca v Zagorju, imal je dvoje dece. Nažalost mladi je poginul v autu, Fičeku. V iže je ostala Ankica z decum i Jandraš. Janek se vdala na Odru, za Mikeka Mahina bratiča moje punice Katice rodom Fiolič z Male Mlake. Juričova deca su se visoko zeškolala. Damir je završil matematički fakulet, a Martina je veroučitelica, i kolegica z mojum starejum čerjum Marijum. Damir se pri fratre na Kaptolu zbližil i oženil z Marijum, skum ima tri mile curice: Saricu, Stelicu i Suzicu. Z Marijum je imal i lepi obitelski život, dok ga se ni zasitil i zamenil za holivudski. A, sigurno je koj gimnazijalec čul latinsku uzrečicu: " Alterus non sit, Qui suus esse potest "! (ili, neka ne bude tuđi sluga, tko može biti svoj gospodar). Martinice je Bog zebral za suputnika dobroga dečka, i visoko školanoga, doktora Mišira , rodom z Osijeka. On je pak študentski kolega moje mlajše čeri Jagice. Z ovum pričum briše se z Matice ovo stoletno velikomlačko prezime, jerbo nima muškoga potomka. |