Denes nek samo nekaj nekteromu ne paše, gotovo. Nemaju ludi srama, ak se budu rezišli da plujeju po svetom Sakramentu Ženidbe i po Isusu, a bome i po onemi ki su je dopratili do oltara i ki su čuli prisegu i privolu – samo smrt. Ova veza oke pišem ni bila dugoga veka, jerbo je mladu i blagoslovlenu sneju nekteri napasnik kakve je za onda bilo, Tkalec Jožef, isto kakve i v denešne vreme ima napastuval i zdušil v Jankovićeve jame v Mičevcu. Tu je z drugemi mlačkemi ženami prala konople. Na fletno potom je žena mrla, a Ivič Pažulef odovel. Moja mama i nezina braća su dofcu govorili tetec Pažulef. Ja o tem Iviču znam tuliko po pripovedajnu moje mame, a Mike Pažulevoga negva sina teroga je dobil z Odrčicum od Pisačićof, se sećam dost dobro. Tam sem teri put znal z Ivekom Pažulevem i dojti, jerbo je Mikin nuk Branko bil moje starosti, i žnem smu pajdašili.

je bil ožejnen z Klarum od Korenikove, z Rašč. Imati su sina Jožića i čer Lubicu ka je otišla na Goricu k Lacku Šipušu v zamuž. Ne se slabo sećam, ali se sećam nezinoga sina komu su govoriti Braco, a bil je isto naš jargan i dolazil je na Mlaku na ferje, kakti k dede i bake. Kad bi ga sat videl, nis siguren je li bi ga poznal, jerbo je već odonda fajn let prešlo. Jožić, sin od Klare i Mike je bil ožejnen z Odre i zarana je mrl . Žena još raneje. Ne opće ne pametim, a Jožića nekaj malo. Imali su kak sem spomenul sina Branka i čer Lubicu ke se reče Lubič. Lubič i Branko su odrastali z dedum Mikum i bakum Klarum, ke se sećam da se s trgovinum bavila. Ni to bila trgovina kakva je denes. Pod rečju trgovina se za onda skrivala samo velika muka. Trebalo je na vrtu nakopati krumpera, merlina, peršina i nabrati vugorkof ili mahune i onda se to otcuglati v Zagrep na plac. Denes bi to retko do štel iti delat. Bome Klara se je toga nanosila i stem skrbela za život, a Branku i Lubice za detinstvo. Jeno vreme je prijnemi pomagala žena ka je bila više onak koj sluškijna. Milka je je bilo ime, a imala je i čer. Čeri je bilo ime Fanika. Fanika je išla znami na Mlake v školu. Prezime je je bilo Podlesek. Nejakve četrdeset let sem zgubil spred oči Milku i Faniku. A kaj je kešneje bilo?

Milku su Pažuli splatili i ona si je kupila drevenu ižicu i gruntek na Lukofcu, već na kraju sela kak se ide prama Dubrajncu. Kad smu išli Vukomerić v trsje, onda su stareji rekli tu ti je Milka, i da žive z nejakvem čovekom komu je ime Miško. Navodno da je veliku zidanicu polek ne naredila Fanika ka se vdala i z Nemačke tu ižu zezidala. Na žalost, Milka je prede nekuliko let jako tužno završila. Nu je nejakof nasilnik ki je pobegel z Lepoglafskoga rešta vlovil v kukuruze de je brala bažul i tu ju vubil. To je bilo tak strašno da je čak i v novina otom pisalo. Kak smu rasli i vreme odmikalo smu se rezišli saki na svoju stranu. Branko je išel i završil strojarsku tehničku školu v Klaićeve, a Lubica ekonomsku. Deda i baka su pomrli, a Branko i Lubica su se poženili. Brankovu ženu ja ne poznam. Znam samo za nijovoga sina ki žive z materum v nove iže ku su naredili prek puta stare. I sin je već ožejnen, a Branku je fajn let kaj je od srčanoga tlaka vmrl. Lubica je naredila novu zidanu ižu i vujne živela z dalmatincom doktorom Šoljakom za teroga je bila vdana. Žnem je imala dva sine. Život nisu uspeli dogotoveti skup jerbo je doktor sreću drugde našel. Ozde je se ostavil. Stari grunt na teroga sem ja negda zalazil su prodali nejakvomu Bosancu ki je v negdašne štale naredil limarsku radionicu. Ja sem možda stvarno trebal biti "pop" kak je to zamene navek govoril pokojni stric Lovrek, kat se rada vraćam na cirkvu i nu spomijnem. Ove ludi okemi sem napisalove par redof se ne sećam da bi se kaj oko cirkve motali. Mika je kuliko pametim tu i tam išel, a Klara niti tuliko. Tak valda ni nijovi potomki nisu tu navadu stekli. Velim, ovo namene ne spada, ali tak, dojde mi napamet. To su biti zajdni "bogataši" pri Pažulu.
Dale su bile mejne i skromneje ižice. Prva do Mikine iže bila je mala drevena ižica skoro v zemle. Vujne pametim da je živel z mamum Janičom Mikić komu su govorili fot, a žnemi još čovek po imenu Iva, ki ni imal nog i Mikičova teta Evica.

Prva ojdne je mrla teta, a onda fajn let potle i Iva komu se još reklo i Iva Jožin. Iva je pred kraj života dobil i nejakvu partizansku pomoć ili mirovinicu, a i kolica na tri kotače vukemi se po selu znal za lepoga vremena voziti. Sećam se da je nas bilo nekak koj strah nega gledeti vutemi kolicami. A znal se lepo spominati. Ni to bil bedasti čovek, samo je tak bil siromak. Nigdar se nis raspituval kat je i zakaj su mu noge odrezali. Valda isto kak to denes se reče, šečer. Za onda se ni puno otom znalo, a još se mejne spominalo, jer su ludi samo leteli s posla na posel. Denes se ima više čas sedeti i kojekakve šašne bašne rezglabati. Bili su to siromaki, ali pošteni ludi. Na svoj nejakvi način su preživlevali i nikoga niš prosili.

Mikić je rasel i zanat završil. Puno je let igral nogomet. Od rane mladosti. Najprede za Traktorist, a onda leta i leta za Napredak. I trener je bil. Za vreme negvoga igrajna mlački nogometni klub je bil med najbolemi v našemu kraju. To je bila odlična generacija nogometašof I to: Majek, Mikić Kunić, Tlotlek, Bradaško, Dragec Đinekof, Števek Markof, Zlatko Sušin, Števek Pinđokof, Ivič Capek, Beli Glagolić st., Zlatko Sušin, Črni, Radek i Lalek Korilofčanof, golmani Mirko Pavin i Pepek Đinekof, a već se pokazuvala priprava: Jurić Korilofčanof, Števek i Želko Bugarovi, Stanko Pinđokof, Števek Pavčef, Jureki – Beli, Makovićef, Gradof, lvek i Števek Šešlugini, Pepek Jocekof, Fikica, Slavek Pučko, Miro Krilčić, lvek Đoni i Mirek Beničkin, Jurek Telebekof, Števek Tonče Jakopovoga, golman Jurek Sarin.